Le mpelasonto iqukethe eminye imidlalo eshisayo esingabala kuyo oweLiverpool neChelsea, nowe-Arsenal neMan United kwiPremier League.
Lasuka, lahlala! Le mpelasonto iqukethe eminye imidlalo eshisayo esingabala kuyo oweLiverpool neChelsea, nowe-Arsenal neMan United kwiPremier League. KwiDStv Premiership kuzobancane indawo kungqubuzana iMamelodi Sundowns neKaizer Chiefs. Ngezansi sikupha ama-tip emidlalo ekhethiwe yangempelasonto.
NgoMgqibelo
Premier League | Liverpool vs Chelsea | (14:30)
Abaningi babiza lo mdlalo nge-derby yamaqembu abozayo kule sizini njengoba omabili edonsa ngodizili, ahlalelwe wumsebenzi wokuzama ukungena kwi-top 4. ILiverpool ithole induku kulandelana kwimdlalo emibili edlule, iChelsea ngakolunye uhlangothi inqobe okokuqala emdlaweni emini ngeledlule ishaya iCrystal Palace. Lindela umdlalo ovulekile njengoba zombili zizobe ziwafuna la amaphuzu aphelele.
Gibela Sport Tip: Over 1.5 goals
Serie A | Salernitana vs Napoli | (19:00)
Abaphathi beSalernitana bagile izimanga bebuyisa umqeqesho obekusaphele izinsuku ezimbili bemkhombe indlela kulandela ukubhaxabulwa ngo 8-2 bedlala ne-Atalanta ngeledlule. Lo mqeqeshi angase abhekena nezembe futhi njengoba bezodlala neNapoli eshaye iJuventus ngo 5-1. INapoli isadliwe kanye isizini yonke, yadlala ngokulinga kwemibili kuphela.
Gibela Sport Tip: Ngilindele ukuthi iwunqobe kalula lo mdlalo iNapoli. Kumagoli ngena ku-over 2.5
DStv Prem | Kaizer Chiefs vs Mamelodi Sundowns | (20:00)
Ngilindele umdlalo omnandi phakathi kweChiefs neSundowns. Emdlalweni wokuqala zibhekene kule sizini iSundowns yabulala iChiefs ngesibhaxu sika 4-0. IChiefs izobhekana neDowns iphuma kumphumela ofanayo kade ixetshulwa AmaZulu ngeledlule, okufake umqeqeshi weqembu ngaphansi kwengcindezi. Uma abadlali beChiefs bezoya kulo mdlalo beyisaba iDowns, lindela esinye i-score esiphezulu. IChiefs ayilona iqembu elithanda ukupaka ibhasi emuva, okwenza ivuleke kalula uma ingaphansi kwengcindezi. Kungenzeka idinge ukushintsha amaqhinga ayo kulo mdlalo ukuze ivikele isithunzi sayo.
Gibela Sport Tip: Double Chance: Sundowns win or draw
NgeSonto
Premier League | Arsenal vs Manchester United | (18:30)
Kuphoxeke abalandeli abaningi beManchester United iphucwa amaphuzu amabili ibhekene neCyrstal Palace phakathi nesonto. Ngaphezu kwalokho, umdlali ohamba phambili kuleli qembu, uCasemiro, ngeke adlale kule mpelasonto ngenxa yamakhadi aphuzi. Umqeqeshi we-United, u-Erik ten Hag, nokho uveze ukuthi i-Arsenal bayishaya engekho uCasemiro kusanda kuqala isizini futhi bengayiphinda. Ngeke kube lula kodwa njengoba i-Arsenal idedela isibhaxu esinzima kulezi nsuku. Kule sizini isaqathaze amaphuzu aphelele kwimidlalo emithathu nje kuphela.
Tip: Angiyiboni idliwa ekhaya i-Arsenal. Izobe ifuna ukubuyisa izinduku kwi-United, iphinde ikhombise nabasayingabaza ukuthi ingasinqoba isicoco. Arsenal win.
LaLiga | Athletic Club vs Real Madrid | (22:00)
Ompetha beLaLiga bangesizini edlule bazoya kulo mdlalo bedinga ukuqoqa amaphuzu aphelele njengoba sekucacile ukuthi umbango wesicoco uzoba phakathi kwabo nezitha zokuqina iBarcelona. IMadrid yagcina ishaywe yiVillarreal ngo 2-1 emdlalweni wokugcina. Ngemuva kwalo mdlalo ishaywe yiBarcelona ngo 3-1 kowamanqamu weSuper Cup, okuzofaka abadlali ngaphansi kwenye ingcindezi. I-Athletic Club ayilona iqembu elilula uma idlala ekhaya. Kwimidlalo emine edlule eyidlale khona inqobe emithathu yabuya ne-draw kowodwa.
Gibela Sport Tip: IMadrid idinga ukubuyisa i-form ngokushesha kodwa angiyiboni ibuya namaphuzu aphelele kulo mdlalo. Double chance: Athletic Club win or draw.
